Devolucións

Pode devolver calquera artigo nun prazo de 30 días desde a data de recepción do produto nas mesmas condicións nas que foi enviado. Para iso, deberá enviarnos os produtos e o albará de compra do Celta recibido ao seguinte enderezo:

"Tenda Oficial Celta - Estadio de Balaídos - 36210 Vigo / Pontevedra / España"

Todos os gastos de devolución e reenvío serán responsabilidade do cliente. Recomendámoslle que empregue correo certificado para garantir a correcta recepción do envío. Unha vez recibida a mercadoría e comprobado o seu estado, aboaráselle na tarxeta coa que realizou a compra o importe correspondente ao produto devolto.

Só se aceptará a devolución de produtos personalizados se a personalización é incorrecta desde o momento en que se recibe o pedido ou se o produto presenta algún defecto.

Unha vez que se imprima un nome, un número ou un parche de competición nunha camiseta, non se poderá cambiar nin solicitar un reembolso, agás que o produto presente algún defecto. O mesmo se aplica se un xogador deixa o club ou cambia o seu número dentro do equipo mentres xoga para o club. Todos os produtos personalizados non se poderán cambiar nin devolver.

POLÍTICA DE CALIDADE

A súa compra está protexida pola lexislación española relativa á venda de bens, que inclúe a normativa sobre artigos defectuosos. Isto significa que pode recibir un reembolso se a súa reclamación está xustificada e o defecto non é consecuencia dun uso inadecuado do produto nin de calquera outra actuación prexudicial. Seguindo as políticas de calidade do RC Celta, calquera produto que o cliente considere defectuoso deberá ser entregado para a súa avaliación e, se procede, será substituído por un novo.

Se o seu produto foi adquirido nunha tenda física, deberá acudir a unha das nosas tendas para que poidamos axudarlle. No caso de que o produto fose comprado na nosa tenda en liña (shop.rccelta.es) e non dispoña dunha das nosas tendas preto, deberá presentar unha reclamación tras descubrir o defecto do produto. Recomendámoslle que presente a reclamación coa maior brevidade posible. Poderá facelo poñéndose en contacto co noso equipo a través de ecommerce@celta.gal.

Ao presentar unha reclamación, inclúa tanta información como sexa posible sobre a incidencia, achegue unha fotografía do artigo e indique o número do pedido.

Lembre que os produtos deben ser enviados nunha embalaxe axeitada e que debe obter un comprobante de envío como proba de que devolveu os artigos. Unha vez revisado o produto e aceptada a devolución, no caso de existir stock e de que a compra fose realizada nunha tenda física, poderá elixirse entre un vale polo importe correspondente para consumir nas nosas tendas ou, no seu defecto, procederase ao reembolso. No caso de non haber stock dese produto ou de que a compra se realizase en liña, procederase directamente ao reembolso.

Non se realizará o reembolso daqueles artigos que:

• Non foran comprados nunha Tenda Oficial do Celta.
• Sufriran danos derivados dunha actuación neglixente.
• Resultaran danados por un uso descoidado.
• Presenten danos debidos ao desgaste natural e que superasen a súa vida útil económica.