Política de privacidade
De conformidade co Regulamento Xeral de Protección de Datos (UE) 2016/679 do Parlamento Europeo e do Consello, do 27 de abril de 2016 (en diante, o «RXPD») e coa Lei orgánica 3/2018, do 5 de decembro, de Protección de Datos Persoais e garantía dos dereitos dixitais (en diante, a «LOPDGDD»), a presente Política de Privacidade (en diante, a «Política de Privacidade» ou «Política») ten por obxecto informar a todos aqueles usuarios (en diante, os «Usuarios») suxeitos á mesma sobre o posible tratamento dos seus datos persoais.
Cando os Usuarios visitan tenda.celta.gal (en diante, o «Sitio Web») e cando solicitan información a través dos formularios dispoñibles no Sitio Web, o REAL CLUB CELTA DE VIGO, S.A.D. (en diante, a «Empresa» ou «RC Celta») pode tratar os seus datos persoais. Do mesmo xeito, a presente Política de Privacidade será de aplicación a calquera comunicación entre os Usuarios e o RC Celta.
Esta Política de Privacidade está destinada a axudarlle a comprender que datos recompila o RC Celta e que fai con eles. Nesta liña, a presente Política de Privacidade explica, entre outras cuestións:
v Que información recompila o RC Celta e con que finalidades;
v Que usos realiza o RC Celta da devandita información; e
v As opcións que ofrece o RC Celta en relación coa información recompilada.
Para os efectos desta Política, entenderase por Usuario toda persoa física que accede, navega, utiliza ou interactúa co Sitio Web e/ou cos servizos ofrecidos a través del, xa sexa de forma gratuíta ou mediante rexistro, así como calquera persoa que se comunique co RC Celta a través de calquera medio posto á súa disposición.
1. Identificación do Responsable
Titular: Real Club Celta de Vigo, S.A.D.
Delegado de Protección de Datos: lopd@rccelta.es
Domicilio social: Rúa Príncipe, 44, CP 36202, Vigo (Pontevedra)
NIF: A-36609105
Correo electrónico: lopd@rccelta.es
2. Datos persoais que tratamos
O RC Celta recompila datos persoais das seguintes maneiras:
i) Datos persoais que o Usuario nos proporciona: cando cobre calquera formulario posto á súa disposición no Sitio Web, ao rexistrarse como usuario, cando realiza algunha compra a través do Sitio Web ou cando se comunica co RC CELTA a través de calquera medio posto á súa disposición.
ii) A través das cookies e tecnoloxías similares: cando visita o Sitio Web, o RC CELTA utiliza diversas tecnoloxías para recompilar e almacenar información, o que pode incluír o uso de cookies ou tecnoloxías similares para identificar o seu navegador ou dispositivo. Pode obter máis información sobre o tratamento que o RC CELTA realiza dos datos persoais obtidos a través de cookies na Política de Cookies.
Os devanditos datos persoais poden agruparse, con carácter xeral, nas seguintes categorías:
· Datos identificativos: nome, apelidos, documento de identidade ou pasaporte, nome de usuario, data de nacemento e número de socio.
· Datos de contacto: enderezo postal e de correo electrónico.
· Datos transaccionais: número de tarxeta bancaria ou outra información de pagamento.
· Datos de navegación: datos recollidos a través das cookies.
Finalidades do tratamento e base xurídica
No RC CELTA trataremos os seus datos coas seguintes finalidades e bases lexitimadoras:
| Finalidade | Descrición | Base xurídica lexitimadora |
|---|---|---|
| Rexistro como Usuario/a | Xestionar a súa alta como usuario/a rexistrado/a, permitíndolle acceder e utilizar os servizos para usuarios/as da tenda. | Execución do contrato (Termos e Condicións). |
| Compra en liña de produtos | Xestionar o proceso de compra, incluíndo a tramitación do pedido, a xestión do pagamento e do envío, así como, se é o caso, a xestión de devolucións e a prestación do servizo de atención ao cliente. | Execución do contrato (Condicións de venda). |
| Atención ao cliente e xestión de solicitudes de información, consultas ou reclamacións | Responder e xestionar as solicitudes de información, consultas ou reclamacións enviadas polo Usuario a través de calquera medio posto á súa disposición para contactar co RC CELTA. | Interese lexítimo do RC CELTA en dar resposta ás súas solicitudes de información, consultas ou reclamacións. |
| Envío de comunicacións comerciais sobre produtos e servizos que poidan resultar do seu interese | Ocasionalmente poderemos enviarlle novidades da Empresa, promocións ou información relacionada con produtos ou servizos similares aos contratados ou polos que amosou interese. Poderá darse de baixa en calquera momento mediante a ligazón habilitada para tal efecto en cada comunicación. | Interese lexítimo amparado na Lei de Servizos da Sociedade da Información (art. 21 LSSI) para enviar información sobre produtos similares aos adquiridos anteriormente. No resto dos casos, a base lexitimadora é o consentimento prestado polo Usuario, que poderá revogar en calquera momento mediante comunicación ao enderezo de correo electrónico lopd@rccelta.es. |
| Cumprimento de obrigas legais | Xestión de obrigas fiscais, contables, de consumo, etc. | Cumprimento das obrigas legais aplicables ao RC CELTA. |
| Xestión de cookies e tecnoloxías similares | Recollida de datos de navegación con fins técnicos e publicitarios. Para máis información, consulte a Política de Cookies. | O consentimento do Usuario ao aceptar a instalación das cookies ou, se é o caso, o interese lexítimo do RC CELTA en instalar cookies técnicas necesarias para o funcionamento do Sitio Web. |
4. Prazo
O prazo de conservación dos seus datos dependerá das finalidades para as que os tratemos:
| Finalidade | Período de conservación |
|---|---|
| Rexistro como Usuario/a | Trataremos os datos mentres o Usuario manteña a conta activa no noso Sitio Web. Posteriormente, conservarémolos ata a prescrición das responsabilidades legais que puidesen derivarse. |
| Compra en liña de produtos | Trataremos os datos durante o tempo necesario para xestionar a compra e a relación contractual. Posteriormente, conservarémolos ata a prescrición das responsabilidades legais que puidesen derivarse. |
| Atención ao cliente e xestión de solicitudes de información, consultas ou reclamacións | Trataremos os datos durante o tempo necesario para xestionar e dar resposta á súa solicitude de información, consulta ou reclamación. Posteriormente, conservarémolos ata a prescrición das responsabilidades legais que puidesen derivarse. |
| Envío de comunicacións comerciais | No caso de comunicacións baseadas no interese lexítimo (produtos similares aos previamente adquiridos), os datos conservaranse mentres se manteña a relación contractual ou durante un prazo razoable tras a última interacción co Usuario e, en todo caso, ata que este se opoña ao tratamento.No caso de tratamentos baseados no consentimento, os datos conservaranse ata que o Usuario retire o devandito consentimento.En ambos os casos, unha vez finalizado o tratamento, o RC CELTA conservaraos durante os prazos necesarios para atender posibles responsabilidades legais. |
| Cumprimento de obrigas legais | Os datos persoais conservaranse durante o tempo necesario para o cumprimento das obrigas legais aplicables e, posteriormente, durante os prazos de prescrición das posibles responsabilidades derivadas das devanditas obrigas. |
| Xestión de cookies e tecnoloxías similares | Os datos obtidos a través de cookies e tecnoloxías similares conservaranse durante o tempo necesario para a finalidade para a que foron instaladas. Para máis información, consulte a nosa Política de Cookies. |
5. Destinatarios
Os seus datos son confidenciais e utilizaranse exclusivamente con carácter interno e para as finalidades indicadas, e non serán comunicados a terceiros, salvo que exista unha obriga legal e nos seguintes supostos:
-
Se é necesario facer efectivo algún pagamento a entidades bancarias ou provedores de servizos de pagamento para o procesamento e a xestión dos pagamentos.
-
En determinados casos poderán ser comunicados a prestadores de servizos ou a outras entidades do GRUPO CELTA (Afouteza e Corazón S.L.U.; GALICIA SPORT 360, S.L.; e Fundación Celta) para a correcta xestión administrativa da prestación dos nosos servizos. Estas entidades actúan na condición de encargadas do tratamento, polo que están suxeitas ás nosas instrucións, non utilizan os datos para fins propios e están vinculadas por contratos de confidencialidade e de cumprimento da normativa vixente en materia de protección de datos.
6.
6. Transferencias internacionais
En principio, o RC CELTA non realiza transferencias internacionais de datos fóra do Espazo Económico Europeo (EEE). No caso de que fose necesario transferir datos persoais a destinatarios situados en países fóra do EEE, garantirase un nivel adecuado de protección conforme ao establecido no artigo 46 do RXPD, mediante a adopción dunha ou varias das seguintes garantías: (i) que o país de destino conte cunha decisión de adecuación emitida pola Comisión Europea; (ii) que o destinatario subscribise as cláusulas contractuais tipo aprobadas pola Comisión Europea; (iii) que o tratamento estea amparado por normas corporativas vinculantes debidamente aprobadas; ou (iv) calquera outro mecanismo recoñecido polo RXPD que garanta un nivel de protección equiparable ao do EEE.
7. Dereitos
Os Usuarios poden exercer ante o RC CELTA os seguintes dereitos relacionados cos seus datos persoais: acceso; rectificación; supresión; limitación do tratamento; portabilidade dos datos e oposición, mediante escrito no que indiquen expresamente cal dos dereitos anteriormente relacionados exercen, a través do enderezo de correo electrónico lopd@rccelta.es ou por correo postal, dirixíndose por escrito ao enderezo Rúa Príncipe, 44, CP 36202, Vigo, Pontevedra (España).
Do mesmo xeito, nos tratamentos dos datos do interesado cuxa base lexitimadora sexa o consentimento prestado por este, terá dereito a retirar o devandito consentimento en calquera momento, sen que iso afecte á licitude do tratamento baseado no consentimento previo á súa retirada.
En todo caso, o Usuario ten dereito a presentar unha reclamación ante a autoridade de control competente se o considera oportuno.
Así mesmo, pode contactar co Delegado de Protección de Datos do RC CELTA a través do enderezo de correo electrónico lopd@rccelta.es.
8. Cambios ou modificacións da nosa Política de Privacidade
Poderemos revisar esta Política de Privacidade cando resulte oportuno e publicar a versión máis actualizada no noso Sitio Web. Informarémolo no caso de que os seus dereitos se vexan afectados de maneira significativa como consecuencia dunha revisión.
Recomendámoslle revisar periodicamente esta Política de Privacidade para estar informado sobre como protexemos a súa información persoal.
A versión vixente da Política de Privacidade estará sempre dispoñible nesta mesma páxina.
Versión actualizada en xuño de 2026.